Jupo lagi kito, Awe Jambul doakan semoga semo anok beranok al Jambuli sihat walafiat.

Supo hok Awe Jambul janji, hari ni Awe Jambul nok cerito satu cerito hok kito boleh kato ‘hari ini dale sejarah’ untuk keluarga al Jambuli. Awe Jambul boleh cerito ni dan nok kongsi dengan semo anok beranok.

Gambar di bawoh tu menceritakan segalonyo…………anok arwah Nik Embong, Hasmah dan Zalina ziarah Ayah Soh di Kg Anok Keranji apabilo dapat tahu ado waris hok duduk di Kg Anok Keranji. Awe Jambul di ceritokan pada mulonyo hanyo gi jale di rumoh warisnyo di Kg Kochang.

Alik kiri sekali, Hasni b Md Nasir (anok Hasmah bt Nik Dir), Hasmah bt Nik Dir (anok ke3 Nik Embong), di tengoh tu Mak Cik Mah (isteri Ayah Soh), Zalina bt Nik Dir (anok ke6 Nik Embong) & kanan sekali rasonyo Mansor, suami Zalina. Duk depae sekali baju meroh tu lah Ayah Soh. 2 ore budok to rasonyo anok Hasni.

Gambar di bawoh pulok adalah kunjungan Zalina dan Mansor kerumoh Yusnita dan Azmy di Padang Luas, Jerteh. Yusnita adolah anak Ayah Soh yg ke3. Anok sepupu ziarah rumoh Mok sepupu. Katonyo Mok sepupu tok puas bual dengae anok sepupu, nampoknyo kena wat ziarah balas la ke Melor tu.

Sapo dio Nik Embong? Mari kito bertitih…………

Kalu tengok daripado salsilah alik atas tu, maknonyo Nik Embong hok bernikoh dengan Ismail Kassim adalah anok pado Che Minah dengan Nik Dir. Hasmah dan Zalina dale gambar atas tu adalah anok pado Nik Embong. Dan Hasni pulok adalah anok kepada Hasmah hok duduk di Bt 9 Cheras, Kuala Lumpur. Awe Jambul dapat tahu bahawa Abe Wae anok pado Isa @ Muhd Isa sudoh pun gi ke rumah Hasni dan kebetulan pulok Pn Hasmah (ibu pado Hasni) jugok ado di rumoh Hasni. Mako Abe Wae pun dapatlah maklumat salsilah dari Pn Hasmah hok selamo ini di catit sebagai tiada maklumat.

Hasmah anok ke3 pado Nik Embong kini menetap di Melor, Zalina jugok kini menetap di Melor. Yusuf anok Nik Embong hok sulung kini menetap di Bt 9 Cheras dekat dengan Hasni sementara Zawiyah diceritokan berada di Melaka. Ahmad atau Pak Tam menetap di Port Dickson, Siti Aminah di Sepang dan Kamarulzaman hok bongsu menetap di Kota Damansara.

Abe Wae bercerito ko Awe Jambul, dio jugok ziarah Kamarulzaman di Kota Damansara yang bernikoh dengae Ain dan ado 4 ore anok. Dijamu dengae nasi mace-mace lauk, macaroni pun ado, kenye perut Abe Wae dengae anok bini , rezeki……….. Terima kasih ko Kamarulzaman. Kato Abe Wae lagi, insyaAllah dio akae terus jejak anok-anok Nik Embong hok lain selain dari jupo mato kukuh silaturrahim dio jugok akae cubo lengkapkan salasilah keluarga al Jambuli.

Pujian dan jutaan terima kasih Awe Jambul nok ucapkan kepada Hasmah dan Zalina hok mulakan jejak kasih dengan berziarah ke rumoh Ayah Soh.

Sebagai penutup, Awe Jambul harap perjumpaan keluarga tahun ni akan lebih meriah dengae kehadiran keluarga dari salsilah Nik Embong.

Sekian dulu, jumpo lagi dilain maso, insyaAllah. Wassalam.

ps: Awe Jambul akae kemaskini salasilah terbaru sikit hari lagi, insyaAllah.

Assalamualaikum anok beranok al Jambuli belako.  Awe Jambul timbul semula selepas lamo tok tubik di alam maya ni. Mulo2 Awe Jambul nok mintok maaf belako sebab lamo tegelae dan tidak kemaskini blog kito, maklum sajolah komitmen kerijo Awe Jambul koho mencabar menyebabkan maso agok terhad. Walaubagaimanapun alhamduliLlah hari ni Awe Jambul boleh sikit maso ngadap blog kito. Ado sikit  berito hok Awe Jambul nok kongsi dengae semo anok beranok, berito hok jadi tahun lepas 2015 dan jugok berito tahun ni 2016. Pertama sekali berkenaan dengan Perjumpaan Tahunan Keluarga al Jambuli. AlhamduliLlah, anok beranok al Jambuli berjaya berkumpul dalae perjumpaan tahunan buat kali ke 23. Perjumpaan tersebut berjaya di adakan di rumah Puan Ramlah, di Kg Kota, Kota Bharu pada 25hb  September 2015 bersamaan dengae 11 Zulhijjah 1436. Sapo dio Puan Ramlah? Acu cubo try tengok titih di bawoh tu….. Cik Nuh (Tuk Che' Nuh)       V Hj Uthman (Tuk Jambul) X Mek Senik (Mek Lebar) & Hjh Selamah       V Che Mat/Muhammad X Che Mas & Wan Esah & Tengku       V Hjh Che Mah X Ahmad Hj Yusuf       V Ramlah X Mustapha Yusof Puan Ramlah bertudung hitam dengan anak2 dan anak2 menantu. Maknonyo Puan Ramlah ni anak pado Hjh Che Mah (Wakaf Bharu), cucu pado Che Mat dan cicit  pado Tuk Jambul. Kironyo Puan Ramlah ni anok sepupu Awe Jambul. Sambung semula cerito hari kito berkumpul, seawal pagi Jumaat tu anok beranok mula berkumpul  dibawah khemah di depae rumoh Puan Ramlah. Ketibaan anok beranok agok lewat tidok supo yang  dirancangkan, memae pun kito merancang tapi Tuhan menentukan. AlhamduliLlah akhirnyo penuh jugok bawah khemah tu dengae anok beranok al Jambuli. Hok Tanah  Merah ado, waris Machang ado, Pasir Mas Tal 7 pun ado, hok sejauh Kuantan & Kulim Kedah pun  ado, hok sedekat Kota Bharu pun hadir, Awe Jambul pun ado jugok! Presiden berucap pembuka acara, ceramoh kesihatan dari Dr Nazli (Kak Yie) dan tazkirah oleh 'ustaz' Yusni mari jauh dari Kulim, Kedah. Hadiah cabutan bertuah bertimbun supo sekalo, masing-masing  anok beranok al Jambuli bawa. Maso agak terhad, selepas jamu selera pakat balik nok hambat semaye  Jumaat. Sekali lagi, tak saloh kito panjatkan jutaan terima kasih kepada Puan Ramlah hok sudi jadi tuan rumah  dan samo2 kito pakat doakan semugo seluruh ahli keluarga Puan Ramlah berada dalam keadaan sihat  walafiat. Tok cekat doh weh….. Awe Jambul sambung esok pulok deh, insyaAllah. Bukae tahun depae, esok  deh. Tunggu berito bersejarah Awe Jambul nok cerito esok. Awe Jambul tutup dulu setakat ni. Wassalam.